დღეს ერთი წელი შესრულდა მას შემდეგ, რაც „პრესის საერთაშორისო ინსტიტუტის“ (IPI) პრესის თავისუფლების გმირი მზია ამაღლობელი უსამართლოდ დააპატიმრეს პოლიტიკურად მოტივირებული ბრალდებებით, - ამის შესახებ აღნიშნულია განცხადებაში, რომელსაც „პრესის საერთაშორისო ინსტიტუტი“ (IPI) ავრცელებს.
ორგანიზაციის განცხადებით, ბოლო ერთი წლის განმავლობაში ყურადღებით აკვირდებოდნენ მზია ამაღლობელის სასამართლო პროცესს და განუწყვეტლივ მოუწოდებენ მისი გათავისუფლებისკენ.
„დაპატიმრებისა და პოლიტიკურად მოტივირებული დევნის შემდეგ, მზია პრესის თავისუფლებისა და დემოკრატიისთვის ბრძოლის სიმბოლოდ იქცა საქართველოში, სადაც მმართველი პარტია „ქართული ოცნება“ აღრმავებს ავტორიტარულ რეპრესიებს განსხვავებული აზრის მიმართ, ხოლო დამოუკიდებელი მედია გადარჩენის ზღვარზეა“, - აცხადებენ ორგანიზაციაში.
„პრესის საერთაშორისო ინსტიტუტის“ განცხადებით, გააგრძელებენ მზია ამაღლობელის სასამართლო პროცესის ყურადღებით დაკვირვებას.
„ვინაიდან სასამართლო პროცესი გრძელდება და მზია ციხეში რჩება, IPI გააგრძელებს სასამართლო პროცესის ყურადღებით მონიტორინგს, მისი დაუყოვნებლივი გათავისუფლების მოთხოვნის დაცვას და საქართველოში პრესის თავისუფლებისა და ჟურნალისტების უფლებების დაცვას“, - აღნიშნულია განცხადებაში.
