კვირას, აშშ-ის პრეზიდენტ დონალდ ტრამპთან შეხვედრამდე, პრეზიდენტმა ვოლოდიმირ ზელენსკიმ დიდი ბრიტანეთის პრემიერ-მინისტრ კირ სტარმერთან ცალკე სატელეფონო საუბარი გამართა. ამის შესახებ ზელენსკი Х-ზე წერს.
ზელენსკიმ განაცხადა, რომ ფლორიდაში დილა სტარმერთან საუბრით დაიწყო.
„ჩვენ განვიხილეთ პრეზიდენტ ტრამპთან შეხვედრისთვის მზადება, ასევე ევროპელ პარტნიორებთან ჩვენი ყველა კონტაქტი“, - აღნიშნა მან.
ზელენსკიმ ბრიტანეთის პრემიერ-მინისტრს ასევე მიაწოდა ინფორმაცია ფრონტზე არსებული ვითარებისა და რუსული დარტყმების შედეგების შესახებ.
მანამდე გავრცელდა ინფორმაცია, რომ სტარმერი არ ესწრებოდა პრეზიდენტ ვოლოდიმირ ზელენსკის და კანადის პრემიერ-მინისტრ მარკ კარნის საუბარს ევროპელ ლიდერებთან. ბრიტანეთის მთავრობამ ეს „დატვირთული გრაფიკით“ ახსნა.
როგორც ცნობილია,ზელენსკიმ მოლაპარაკებები გამართა ევროკავშირის, კანადისა და ნატო-ს წარმომადგენლებთან.
საუბარში ასევე ჩაერთნენ საფრანგეთის პრეზიდენტი ემანუელ მაკრონი, იტალიის პრემიერ-მინისტრი ჯორჯია მელონი, გერმანიის კანცლერი ფრიდრიხ მერცი და პოლონეთის პრემიერ-მინისტრი დონალდ ტუსკი.
საუბრის შემდეგ ტუსკმა განაცხადა, რომ მხარეები შეთანხმდნენ, რომ მთავარი საკითხი უკრაინის უსაფრთხოების გარანტიები იყო.
