უკრაინის პრეზიდენტი ვოლოდიმირ ზელენსკი მიიჩნევს, რომ აშშ-ის მიერ უკრაინისთვის მიცემული უსაფრთხოების საბოლოო გარანტიები დონალდ ტრამპის გადაწყვეტილებაზე იქნება დამოკიდებული.
ამის შესახებ მან ჟურნალისტებთან საუბრისას განაცხადა.
ზელენსკიმ ამერიკულ მხარეს მადლობა გადაუხადა უსაფრთხოების გარანტიების განხილვისას ღიაობისთვის - „რადგან ეს არის უსაფრთხოების გარანტიები, რომლებსაც ამერიკა აძლევს უკრაინას და არა პირიქით.
ჩვენთვის ძალიან მნიშვნელოვანია, რომ არსებობს სიგნალი იმისა, რომ ჩვენ გვსურს იურიდიულად სავალდებულო უსაფრთხოების გარანტიები. და ეს, პირველ რიგში, პრეზიდენტ ტრამპზეა დამოკიდებული.
კითხვა ისმის, თუ რა უსაფრთხოების გარანტიების მიცემას აპირებს პრეზიდენტი ტრამპი უკრაინისთვის“, - თქვა მან.
ზელენსკიმ განმარტა, რომ იურიდიულად სავალდებულო უსაფრთხოების გარანტიები ასევე დამოკიდებულია კონგრესის გადაწყვეტილებაზე.
„ასევე მადლიერები ვართ გუნდების მიმართ, რომ არსებობს ასეთი საერთო ხედვა, თუმცა ეს მაინც აშშ-ის პრეზიდენტზე იქნება დამოკიდებული: რისი გაცემა სურს, როდის იქნება მზად, რამდენი ხნით. რა თქმა უნდა, მადლობელი ვიქნები მისი, თუ მისი გადაწყვეტილება ჩვენს სურვილებს დაემთხვევა“, - განაცხადა ზელენსკიმ.
