ორშაბათს, ბერლინში გამართული მოლაპარაკებების შემდეგ, აშშ-ის პრეზიდენტმა დონალდ ტრამპმა ევროპელ ლიდერებთან და უკრაინის პრეზიდენტ ვოლოდიმირ ზელენსკისთან სატელეფონო საუბარი გამართა. იუწყება Sky News
ტრამპი დარწმუნებულია, რომ სამშვიდობო პროცესის მონაწილეები უკრაინაში ომის დასრულების შეთანხმებას მიუახლოვდნენ.
„ვფიქრობ, ახლა უფრო ახლოს ვართ [მშვიდობასთან], ვიდრე ოდესმე,“ - განაცხადა ტრამპმა.
ორშაბათს, ტრამპმა სიტუაცია ტელეფონით განიხილა თავის სპეციალურ წარმომადგენელთან, სტივ უიტკოფთან და სიძესთან, ჯარედ კუშნერთან, რომლებმაც ბერლინში უკრაინის პრეზიდენტ ვოლოდიმირ ზელენსკისთან და ევროპელ ლიდერებთან შეხვედრას გამართეს.
„ერთი საათის წინ ჩვენ ძალიან კარგი საუბარი გვქონდა ევროპელ ლიდერებთან რუსეთსა და უკრაინას შორის ომთან დაკავშირებით. ძალიან კარგი დისკუსია გვქონდა, როგორც ჩანს, ყველაფერი კარგად მიდის, თუმცა ამას დიდი ხანია ვამბობთ“, - განაცხადა ტრამპმა.
მან ასევე აღნიშნა, რომ მის გუნდს პუტინთან „ბევრი საუბარი“ ჰქონდა. ტრამპმა ხაზგასმით აღნიშნა, რომ მისი წარმომადგენლები მნიშვნელოვან მხარდაჭერას იღებენ ევროპელი ლიდერებისგან, რომლებსაც კონფლიქტის დასრულება სურთ.
მისი თქმით, სავარაუდოდ, რუსეთიც ცდილობს უკრაინაში ომის დასრულებას. თუმცა: „პრობლემა ის არის, რომ ყველას სურს მისი დასრულება და შემდეგ უცებ არ სურს“, - თქვა ტრამპმა.
