რუმინეთი არის პირველი ქვეყანა ევროკავშირში, რომელმაც სტრატეგიული პარტნიორობა გააფორმა საქართველოსთან და ამ სტრატეგიულ პარტნიორობას ვაგრძელებთ, რადგანაც გვჯერა საქართველოს ევროპული მომავლის, - ამის შესახებ რუმინეთის საგარეო საქმეთა მინისტრმა, ოანა ტოიუმ ევროკავშირის საგარეო საქმეთა მინისტრების შეხვედრამდე „ევროსკოპის“ მიერ საქართველოს შესახებ დასმული კითხვის საპასუხოდ განაცხადა.
„ისიც მართალია, რომ დღეს, კონკრეტულ მომენტში საქართველოს ევროპული მომავლისთვის უფრო მეტს იბრძვის და მეტი წვლილი შეაქვს ხალხს, ვიდრე ინსტიტუტებსა და მთავრობას. ჩვენ მიგვაჩნია, რომ ეს არის ასევე საქართველოს საზოგადოების მედეგობის ნიშანი და ფაქტია, რომ საჭიროა დიალოგის გაგრძელება და ინვესტიციების დაბანდება საქართველოს ევროპულ გზაში.
რატომ არის ეს ძალიან მნიშვნელოვანი რუმინეთისთვის და არამხოლოდ საქართველოსთვის, რომელიც მნიშვნელოვანი ქვეყანაა რეგიონის? პასუხი ისაა, რომ ჩვენ უნდა ვითანამშრომლოთ უფრო მეტი და უნდა ვიყოთ ერთ მხარეს, როდესაც ვუყურებთ შავ ზღვას. და ამიტომაც ჩვენ შეშფოთებულები ვართ საქართველოში დღეს მიმდინარე მოვლენების გამო“, – განაცხადა რუმინეთის საგარეო უწყების ხელმძღვანელმა.
