ზოგიერთს შეეხებიან და მეც შევეხები მერე ბევრს, ლოცვაც ვიცით და ბრძოლაც, - ამის შესახებ მეუფე იაკობმა საკვირაო ქადაგებისას განაცხადა.
სასულიერო პირის თქმით, სიძულვილი სიკეთეს არავის მოუტანს და ერთმანეთის ქიშპობა უნდა დასრულდეს.
"ერთმანეთის სიძულვილს თავი უნდა გავანებოთ, იმიტომ, რომ ეს სიკეთეს არავის მოუტანს. იმიტომ, რომ ზოგიერთს შეეხებიან და მეც შევეხები მერე ბევრს და ასევე სხვებიც შეეხებიან და არ გვინდა ეს. ერთხელ მოვდივართ და ერთხელ ვცოცხლობთ. მე არავინ მიმაჩნია იმად, რომ ვიღაცამ საქართველო, რომელიმე პიროვნება მომიტანა, ეს ჩვენი წინაპრების მოტანილია. მეც მაქვს ბევრჯერ სისხლის დაღვრილი ჩვენი ქვეყნისთვის და არავის დასამადლებელი არ გვჭირს. ლოცვაც ვიცით და ბრძოლა ვიცით, თუ არადა - გამოსცადონ", - თქვა დღეს მეუფე იაკობმა.
