ინდოეთმა რუსული ნავთობის იმპორტი მნიშვნელოვნად შეამცირა - ჩვენ ინდოეთისთვის დაწესებული ტარიფების შემცირებას ვგეგმავთ, - ამის შესახებ აშშ-ის პრეზიდენტმა, დონალდ ტრამპმა თეთრ სახლში ჟურნალისტებს განუცხადა.
„მათ შესყიდვები შეაჩერეს და იმპორტი მნიშვნელოვნად შეამცირეს. ამიტომ, დიახ, ჩვენ ტარიფების შემცირებას ვგეგმავთ“, – აღნიშნა აშშ-ის პრეზიდენტმა.
ტრამპს არ დაუკონკრეტებია, რა სახის შემცირებაზეა საუბარი. დონალდ ტრამპის თქმით, ტარიფების შემცირება „გარკვეულ მომენტში“ მოხდება.
ასევე, მისი თქმით, აშშ ინდოეთთან სავაჭრო შეთანხმების მიღწევასთან ახლოს არის.
„სამართლიან შეთანხმებას ვიღებთ. ინდოეთთან შეთანხმება წარსულში არსებული შეთანხმებისგან განსხვავებული იქნება“, - აღნიშნა ტრამპმა.
