შინაგან საქმეთა სამინისტროს განცხადებით, თბილისის ერთ-ერთი სუპერმარკეტის თანამშრომლებზე ჯგუფური თავდასხმის საქმის ფარგლებში, მამუკა ჩარკვიანის შვილის, ჯაკო (ჯანსუღ) ჩარკვიანის სახლიდან 2 ავტომატური ცეცხლსასროლი თოფი და 110 ვაზნა ამოიღეს.
აღნიშნულ საქმეზე შსს-მ 4 პირი დააკავა.
სისხლის სამართლის საქმეზე, უკვე დაკავებულია მანანა გიორგობიანი.
"სამართალდამცველების მიერ ჩატარებული საგამოძიებო მოქმედებების შედეგად, ერთ-ერთი დაკავებულის ჯ.ჩ.-ს მიერ სავარაუდოდ უკანონოდ შენახული ცეცხლსასროლი იარაღები და საბრძოლო მასალა ნივთმტკიცებადაა ამოღებული. მათ შორის: 2 ავტომატური ცეცხლსასროლი იარაღი, გლუვლულიანი თოფი და სხვადასხვა ტიპის ცეცხლსასროლი იარაღისთვის განკუთვნილი 110 ვაზნა," - წერია განცხადებაში.
