საქართველოს ხელისუფლებავ, თქვენ არ მიგყავთ თქვენი ხალხი ევროკავშირისკენ, თქვენ მიგყავთ თქვენი ხალხი ევროკავშირისგან შორს, - ამის შესახებ ევროკომისარმა მარტა კოსმა ბრიფინგზე საქართველოსთან დაკავშირებით „ევროსკოპის“ რედაქტორის თამარ ნუცუბიძის კითხვის საპასუხოდ განაცხადა.
მისი თქმით, ნოემბერში ვიზის შეჩერების ახალი მექანიზმი ექნებათ, რაც საქართველოსთან მიმართებით შემდგომი ნაბიჯების გადადგმას გახდის შესაძლებელს.
„კონკრეტული ზომები, რა თქმა უნდა, წევრი ქვეყნების ხელშია, მაგრამ იმედი მაქვს, რომ ნოემბერში ჩვენ მივიღებთ ვიზის შეჩერების ახალ მექანიზმს, რაც საშუალებას მოგვცემს, რომ მომავალი ნაბიჯები გადავდგათ. ძალიან მნიშვნელოვანი გზავნილი მაქვს საქართველოს მოსახლეობისთვის - განსაკუთრებით იმიტომ, რომ ხელისუფლება ეუბნება მოქალაქეებს, რომ მათ მიჰყავთ საქართველო ევროკავშირისკენ. საქართველოს ხელისუფლებავ, თქვენ არ მოგყავთ თქვენი ხალხი ევროკავშირისკენ, თქვენ მიგყავთ თქვენი ხალხი ევროკავშირისგან შორს. თუ სერიოზულად უდგებით ევროკავშირის საკითხს, მაშინ მოუსმინეთ თქვენს ხალხს და შეწყვიტეთ ოპოზიციონერი ლიდერების, ჟურნალისტების, თქვენგან განსხვავებული აზრის მქონე ადამიანების ციხეში ჩასმა, ციხეში ჩასმა. ამის შემდეგ შეგვიძლია ვილაპარაკოთ“, - განაცხადა მარტა კოსმა.
