ვულოცავთ სახაროვის პრემიის ლაურეატებს ანდჟეი პოჩობუტსა და მზია ამაღლობელს, - ასე ეხმიანება ჩეხეთის საგარეო საქმეთა სამინისტრო ევროპარლამენტის პრეზიდენტის, რობერტა მეცოლას მიერ სახაროვის პრემიის გამარჯვებულების გამოცხადებას.
„თავისუფალი მედიისა და ადამიანის უფლებათა დამცველების მხარდაჭერა ჩეხეთის საგარეო პოლიტიკის მთავარი ღირებულებაა. ვულოცავთ 2025 წლის სახაროვის პრემიის ლაურეატებს ანდჟეი პოჩობუტსა და მზია ამაღლობელს. დემოკრატიისა და სიტყვის თავისუფლების დაცვისას მათი სიმამაცე შთამაგონებელია“, - წერს ჩეხეთის საგარეო უწყება X-ზე.
შეგახსენებთ, პატიმრობაში მყოფი ჟურნალისტები - „ნეტგაზეთისა“ და „ბათუმელების“ დამფუძნებელი მზია ამაღლობელი და ბელარუსი ჟურნალისტი ანდჟეი პოჩობუტი - 2025 წლის სახაროვის პრემიის გამარჯვებულები გახდნენ.
