უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინა ევროკავშირის წევრი გახდება უნგრეთის პრემიერ-მინისტრ ვიქტორ ორბანის პოზიციის მიუხედავად.
ზელენსკიმ ამის შესახებ ნიდერლანდების პრემიერ-მინისტრ დიკ სხოოფთან ერთად გამართულ პრესკონფერენციაზე ისაუბრა.
ზელენსკიმ გამოთქვა რწმენა, რომ უნგრელი ხალხი ნებისმიერ შემთხვევაში მხარს დაუჭერს მხარს უკრაინას.
„უკრაინა იქნება ევროკავშირში, ორბანთან ერთად ან მის გარეშე, რადგან ეს უკრაინელი ხალხის არჩევანია“, - აღნიშნა უკრაინის პრეზიდენტმა.
ზელენსკიმ კომენტარი გააკეთა პროცედურული წესების შეცვლის შესაძლებლობაზე, რაც გამორიცხავს ევროკავშირის გაფართოების შესახებ ერთსულოვანი გადაწყვეტილების საჭიროებას.
„პროცედურის შეცვლას ჰქვია გზის პოვნა, რათა ეს [უნგრეთის] გარეშე გაკეთდეს. როდესაც უმრავლესობა, ყველა ქვეყანა უნგრეთის გარდა, მხარს უჭერს უკრაინას და ესმის, რამდენად აუცილებელია ეს“, - აღნიშნა მან.
უკრაინის პრეზიდენტმა ასევე გაიხსენა, რომ უკრაინამ შეასრულა ყველა ტექნიკური მოთხოვნა ევროკავშირში გაწევრიანების მოლაპარაკებებში პირველი კლასტერის გახსნისთვის.ორბანმა ცოტა ხნის წინ კიდევ ერთხელ გაიმეორა, რომ უნგრელებს არ სურთ უკრაინელებთან ერთ კავშირში ყოფნა, რათა უნგრელებმა „მათი ბედი არ გაიზიარონ“ — მისი თქმით, უკრაინელების ბედი რუსეთთან სიახლოვეა.
უნგრეთის პრემიერ-მინისტრი ასევე მიიჩნევს, რომ უკრაინა სუვერენული სახელმწიფო არ არის, რადგან მის ხარჯებს ევროკავშირის ქვეყნები იხდიან.
ზელენსკი მიიჩნევს, რომ უნგრეთის მიერ უკრაინის ევროკავშირისკენ მიმავალი გზის დაბლოკვა შიდა პოლიტიკური მიზეზებით არის განპირობებული.
ევროკომისია აცხადებს, რომ ორბანის თანხმობის გარეშე უკრაინისთვის კლასტერების გახსნა „შესაძლოა განიხილებოდეს“, თუმცა შესაბამისი გადაწყვეტილება ევროკავშირის წევრმა სახელმწიფოებმა უნდა მიიღონ.
