თქვენ აქ საერთოდ რატომ დგახართ და რატომ მისვამთ კითხვას? თქვენთვის ხომ არალეგიტიმური ვარ? - ასე მიმართა TV პირველის ჟურნალისტს საქართველოს პრეზიდენტმა მიხეილ ყაველაშვილმა.
მიხეილ ყაველაშვილს შეკითხვა დაუსვეს დღეს ოპოზიციური პარტიების მიერ დაანონსებულ აქციაზე. ყაველაშვილმა აღნიშნა, რომ სურს, საზოგადოება „მშვიდად და წყნარად იყოს“.
„მინდა ჩემი და ჩვენი საზოგადოება იყოს მშვიდად, წყნარად. რაც მე ვისაუბრე, ეს არის რეალობა, საერთაშორისო საზოგადოების მხრიდან არაერთი პარამეტრით შეფასებული. საქართველო მოწინავე რიგებშია განვითარების პროგრესით. თქვენ აქ საერთოდ რატომ დგახართ და რატომ მისვამთ კითხვას? თქვენთვის ხომ არალეგიტიმური ვარ? მე ვესაუბრები ჩემს საზოგადოებას, რომელიც დარწმუნებული ვარ, რომ ღირსეულ გადაწყვეტილებას მიიღებს. ყველა მივა არჩევნებზე და ღირსეულ არჩევანს გააკეთებს. მქონდა შესაძლებლობა არაერთი ქვეყნის ლიდერს გავსაუბრებოდი. ნამდვილად საამაყოა, რომ საქართველო მოწინავე რიგებშია განვითარების ეტაპით. საზოგადოებამ მაგალითად, მოისმინა ვიქტორ ორბანის სიტყვები, რომ მართლაც სამაგალითოა ამ ეტაპისთვის საქართველოს დღევანდელი რეალობა“,- აღნიშნა ყაველაშვილმა.
