28 ნოემბერს, 12:00 საათზე, შუახევის რაიონული პროკურატურის ინიციატივით ჩატარდება ჩემპიონატი ქართულ ჭიდაობაში. 9 წონით კატეგორიაში მონაწილეობას მიიღებენ შუახევის, ქედისა და ხულოს სპორტული სკოლების აღსაზრდელები, მათ შორის არიან დასავლეთ საქართველოს ჩემპიონები და საქართველოს პრიზიორები.
აქცია მიმართულია ძალადობის წინააღმდეგ. ჩემპიონატი ჩატარდება ქედის სპორტულ კომპლექსში ყველა, მონაწილეს გადაეცემა დიპლომები და მედლები.
ჩემპიონატი ტარდება "საზოგადოებრივი პროკურატურის" პროექტის ფარგლებში, რომლის მიზანია, ხელი შეუწყოს პროკურატურის უფრო მჭიდრო თანამშრომლობას ბავშვებთან და მოზარდ-ახალგაზრდობასთან, პროექტი მიზნად ისახავს პროკურატურის, როგორც დანაშაულის აღკვეთისა და პრევენციის განმახორციელებელი სამართალდამცავი ორგანოს მუშაობის ეფექტურობის უზრუნველყოფას, მისი გამჭვირვალეობის გაზრდას, სამართალდამცავი ორგანოების მიმართ საზოგადოების ნდობის ამაღლებას.