უკრაინის პრეზიდენტმა ვოლოდიმირ ზელენსკიმ განაცხადა, რომ ომის დასრულების შემდეგ ქვეყნის მართვას არ გეგმავს. ამის შესახებ მან გადაცემა The Axios Show-ში ისაუბრა.
ზელენსკიმ აღნიშნა, რომ ცეცხლის შეწყვეტის შემთხვევაში, უკრაინის პარლამენტს არჩევნების ორგანიზების მოთხოვნით მიმართავს.
როდესაც ჰკითხეს, ომის დასრულების შემდეგ თავის სამუშაოს დასრულებულად მიიჩნევდა თუ არა, ზელენსკიმ უპასუხა, რომ „მზად“ იქნება თანამდებობიდან წასვლისთვის.
„ჩემი მიზანი ომის დასრულებაა და არა თანამდებობებზე კენჭისყრის გაგრძელება“, - თქვა უკრაინის პრეზიდენტმა.
უკრაინის ლიდერის თქმით, უსაფრთხოების მდგომარეობა და ქვეყნის კონსტიტუცია გარკვეულ გამოწვევებს წარმოადგენს, თუმცა ის მიიჩნევს, რომ არჩევნები შესაძლებელია.
პრეზიდენტმა ხაზგასმით აღნიშნა, რომ მას ესმის, რომ ხალხს შეიძლება სურდეს „ლიდერი... ახალი მანდატით“, რომელიც მიიღებს მნიშვნელოვან გადაწყვეტილებებს, რომლებიც საჭიროა გრძელვადიანი მშვიდობის მისაღწევად.
ამავდროულად, მან ხაზგასმით აღნიშნა, რომ უსაფრთხოების საკითხები არჩევნების ორგანიზებას გაართულებს, თუმცა მიაჩნია, რომ ამის გაკეთება შესაძლებელია.
