თბილისში, ცინცაძის ქუჩაზე გაჩენილ ხანძარს ერთი ადამიანის სიცოცხლე ემსხვერპლა. ცეცხლი საცხოვრებელ სახლში გაჩნდა, რა დროსაც სახლში მამაკაცი იმყოფებოდა.
ადგილზე მუშაობდნენ სახანძრო-სამაშველო სამსახურის წარმომადგენლები. ხანძარი უკვე ლიკვიდირებულია. ცინცაძის ქუჩაზე ამ წუთებში რჩებიან საპატრულო და სახანძრო ეკიპაჟები. ადგილზე საგამოძიებო მოქმედებები მიმდინარეობს.
მომხდართან დაკავშირებით შსს-მ გამოძიება 187-ე მუხლით დაიწყო, რაც გულისხმობს სხვისი ნივთის განადგურებას ან დაზიანებას, რამაც მნიშვნელოვანი ზიანი გამოიწვია.
ფოტო: "ტვ პირველი"
