აშშ-ის პრეზიდენტმა დონალდ ტრამპმა კიდევ ერთხელ განაცხადა, რომ მან მოაგვარა რთული საერთაშორისო კონფლიქტები, კერძოდ, აზერბაიჯანსა და „ალბანეთს“ შორის. სავარაუდოდ, მან „ალბანეთში“ სომხეთი იგულისხმა.
„მე, როგორც იცით, შვიდი ომი მოვაგვარე, შვიდი! მე ბევრი რამ მოვაგვარე, მათ შორის პაკისტანისა და ინდოეთის... მაგრამ ზოგიერთი დიდი [ომი] გადაუჭრელი აღმოჩნდა... კონგოსა და რუანდას ომი - ეს 31 წელს გაგრძელდა. მილიონობით ადამიანი დაიღუპა... აზერბაიჯანი და ალბანეთი - ეს მრავალ, მრავალ წელ გაგრძელდა,“ - თქვა ტრამპმა
ტრამპმა ასევე დეტალურად აღწერა თეთრ სახლში გამართული შეხვედრა, სავარაუდოდ, აზერბაიჯანის პრეზიდენტ ილჰამ ალიევთან და სომხეთის პრემიერ-მინისტრ ნიკოლ ფაშინიანთან.
„ჩემს კაბინეტში პრემიერ-მინისტრები და პრეზიდენტები იყვნენ. ისინი ერთმანეთისგან იმდენად შორს ისხდნენ... მე ვუთხარი: „ბიჭებო, გაერთიანდით“, - თქვა ამერიკელმა ლიდერმა.
ტრამპის თქმით, ერთ-ერთმა მათგანმა განაცხადა, რომ ის „22 წელია კლავს მოწინააღმდეგეებს, მეორე კი შვიდი წელია“.
„მე ვამბობ: „ჩაეხუტეთ ერთმანეთს და შერიგდით“. ნებისმიერ შემთხვევაში, ჩვენ პრობლემა მოვაგვარეთ“, - განაცხადა აშშ-ის პრეზიდენტმა.
ტრამპმა კიდევ ერთხელ აღიარა, რომ შეცდა როდესაც სჯეროდა, რომ რუსეთსა და უკრაინას შორის „კონფლიქტი“ მოსაგვარებლად „ყველაზე მარტივი“ იყო.
აგვისტოში აშშ-ის პრეზიდენტმა ასევე განაცხადა, რომ სწორედ მან შეაჩერა მსოფლიოში არაერთი ომი, მათ შორის აზერბაიჯანსა და ალბანეთს [სომხეთს] შორის კონფლიქტი.
