პოლონეთის პრემიერ-მინისტრი დონალდ ტუსკი და ევროკომისიის პრეზიდენტი ურსულა ფონ დერ ლაიენი უსაფრთხოების სამსახურების გაფრთხილებების მიუხედავად, პოლონეთ-ბელარუსის საზღვარზე იმყოფებოდნენ.
მედიისთვის ერთობლივ განცხადებაში ტუსკმა აღნიშნა, რომ როდესაც ის და ფონ დერ ლაიენი პრესკონფერენციაზე მიდიოდნენ, მათ უსაფრთხოების სამსახურისგან მიიღეს ინფორმაცია და რეკომენდაცია, გაეუქმებინათ ან შეცვლილიყო შეხვედრის ადგილი, რადგან საზღვარზე გამოჩნდნენ შეიარაღებული ბელარუსი ჯარისკაცები.
„ამიტომ ვკითხე პრეზიდენტს, რას ფიქრობდა ამის შესახებ. მზადაა თუ არა, ამ კონფერენციაში მონაწილეობის მისაღებად, ამ ადგილას? და მე მოვისმინე ის სიტყვები, რომელთა მოსმენაც მინდოდა და ჩვენთვის, პოლონეთში, ეს სიტყვები ნათელი იყო: არანაირი დათმობა, არავინ დაგვაშინებს და არ შეგვაწუხებს. ჩვენ აქ ვართ, რათა ვაჩვენოთ ეს ნამდვილი ევროპული სიმტკიცე,- განაცხადა ტუსკმა.
თავის მხრივ, ფონ დერ ლაიენმა განაცხადა, რომ ის პოლონეთის, როგორც სასაზღვრო ქვეყნის მიმართ ევროპის სრული სოლიდარობის გამოსახატავად მივიდა.
„მრავალი წლის განმავლობაში თქვენ პოლონელები მიზანმიმართული და ცინიკური ჰიბრიდული თავდასხმების წინაშე დგახართ. მინდა აღვნიშნო, რომ ევროპა ყველა შესაძლო შემთხვევაში თქვენს გვერდით დგას,“ - განაცხადა ფონ დერ ლაიენმა.
კრინკის სასაზღვრო პუნქტში პრემიერ-მინისტრმა დონალდ ტუსკმა და ევროკომისიის პრეზიდენტმა ბრიფინგი გამართეს, სადაც ბელარუსის და რუსეთის მიერ ჰიბრიდული მოქმედებები და მიგრაციული ზეწოლა უკვე რამდენიმე წელია მიმდინარეობს.
ბელარუსთან საზღვრის 186 კმ-ზე დამონტაჟებულია 5.5 მეტრის სიმაღლის ფოლადის ღობე, რომელსაც ემატება ელექტრონული ბარიერი, რომელიც ფუნქციონირებს ამ საზღვრის 206 კმ-ზე, მდინარის მონაკვეთების ჩათვლით.
ბრიფინგის შემდეგ, დონალდ ტუსკმა და ურსულა ფონ დერ ლაიენმა დაათვალიერეს ადგილი, სადაც „აღმოსავლეთის ფარის“ მშენებლობის ელემენტებია დაცული, ასევე საზღვარზე მოდერნიზებულია ფოლადის ღობე.
