რუსებს მოსწონთ, როდესაც უკრაინელებს კლავენ, რადგან მათი დანაშაულები დაუსჯელი რჩება. ამის შესახებ უკრაინის პრეზიდენტის ოფისის ხელმძღვანელის მრჩეველმა მიხაილო პოდოლიაკმა განაცხადა.
პოდოლიაკმა აღნიშნა, რომ უმაღლესი რადას თავმჯდომარე, ანდრიი პარუბი მნიშვნელოვანი პოლიტიკური ფიგურა იყო და შესაძლებელია, რომ მის წინააღმდეგ ჩადენილი დანაშაული მიზნად ისახავდა უკრაინის, საზოგადოების ფსიქოლოგიური სტაბილურობის, სახელმწიფო ინსტიტუტების განადგურებას
როგორც პოდოლიაკმა აღნიშნა, შესაძლოა მკვლელობის სხვადასხვა ვერსია არსებობდეს, თუმცა სამართალდამცავი ორგანოებისგან ინფორმაციას უნდა დაველოდოთ.
„ასეთი დანაშაულების მიზანია ფსიქოლოგიური სტაბილურობის დარღვევა სიტყვის გლობალური გაგებით. ჩვენ ეს უნდა გავაცნობიეროთ. ჩვენ გვჭირდება გამოძიების შედეგები. ამ დანაშაულის შესაძლო ვერსიები უნდა შემუშავდეს.
„მესმის, რომ პერსპექტიული ვერსია რუსულია. ცხადია, რომ რუსეთისთვის არსებობს გარკვეული რაოდენობის ადამიანი, რომელთა მოშორებაც მათ სურთ, რადგან მათი დემონიზაცია მაქსიმალურად მოახდინეს“, - აღნიშნა პოდოლიაკმა.
მისი თქმით, ასეთი ქმედებები რუსეთისთვის პრინციპულია.
მან დასძინა, რომ არ სურს იმის მტკიცება, რომ პარუბის მკვლელობის რუსეთის მიერ შეკვეთილი ვერსია ერთადერთია.
ამავდროულად, პოდოიაკი მიიჩნევს, რომ რუსები ყველა ვარიანტს იყენებენ, რადგან მათი დანაშაულები დაუსჯელი რჩება. მისი აზრით, რუსებმა შესაძლოა უკრაინის წინააღმდეგ უარესი ქმედებები ჩაიდინონ.
„მათ ეს მოსწონთ. ისინი საჯარო პირების მოკვლას გააგრძელენენ. რა თქმა უნდა, შეეცდებიან. ისინი მშვიდობიან მოსახლეობას შეუტევენ. ისინი რაც შეიძლება მეტს მოიტყუებიან და იტყვიან, რომ სამხედრო ინფრასტრუქტურას ურტყამენ“, - აღნიშნა პოლოლიაკმა.
როგორც ის აღნიშნავს, რუსები ამას გააკეთებენ, რადგან დღეს არავინ არის მზად სრულად დასაჯოს ისინი ამისთვის, უკრაინის გარდა, რომელიც წინააღმდეგობას უწევს.
„რუსეთი ჩაერთვება ამ ტიპის დანაშაულში ფიზიკური პირების წინააღმდეგ, ან ჩაერთვება მშვიდობიან მოსახლეობაზე, საცხოვრებელ კორპუსებზე პირდაპირ თავდასხმებში, რადგან სასჯელი, როგორც ასეთი, არ არსებობს. არ არსებობს სანქციები. არ არსებობს დამატებითი იარაღი. არ არსებობს დიპლომატიური ზეწოლა სხვადასხვა დონეზე. და ეს თანამედროვე გეოპოლიტიკური პროცესის პრობლემაა, რადგან მათ ჯერ კიდევ ვერ გაიგეს, თუ რას წარმოადგენს პუტინის რუსეთი“, - აღნიშნა პოდოლიაკმა.
შეგახსენებთ, 30 აგვისტოს, ლვოვში უმაღლესი რადას ყოფილი თავმჯდომარე, ანდრიი პარუბი მოკლეს.
