ბელარუსის პრეზიდენტმა ალექსანდრ ლუკაშენკამ განაცხადა, რომ ბევრმა დასავლელმა პოლიტიკოსმა ჩინეთის პრეზიდენტის, სი ძინპინისგან უნდა ისწავლოს.
„მას აქვს ის, რაც დასავლეთის ბევრმა პოლიტიკოსმა უნდა ისწავლოს: პასუხისმგებლობა თავისი ხალხის წინაშე, სტრატეგიული აზროვნება და რკინის ნება“, - თქვა ლუკაშენკამ.
ლუკაშენკამ ხაზგასმით აღნიშნა, რომ სი ძინპინი სტრატეგიულად ფიქრობს და ათწლეულების განმავლობაში წინ იყურება.
„დღევანდელ სრულიად არაპროგნოზირებად გარემოში, ის თამამად იღებს ლიდერობას და არა მხოლოდ ჩინეთს, არამედ მთელ მსოფლიოს განვითარების მკაფიო და კონკრეტულ გზას სთავაზობს“, - დასძინა მან.
ბელარუსის პრეზიდენტის თქმით, „იმათგან განსხვავებით, ვინც ბომბებითა და სანქციებით „დემოკრატიის დამყარებას“ ცდილობს, ჩინეთი აჩვენებს, რომ შესაძლებელია მშვიდობიანად და წყნარად განვითარება, სხვა ქვეყნების პატივისცემით“.
საერთო ჯამში, ლუკაშენკამ განაცხადა, რომ ბელარუსსა და ჩინეთს ერთმანეთთან ურთიერთნდობისა და პატივისცემის უმაღლესი ხარისხი აკავშირებთ.
„ბელარუსისთვის, სი ძინპინი არა მხოლოდ საიმედო პარტნიორია, არამედ გულწრფელი მეგობარიც. მისი უპირობო მხარდაჭერის წყალობით, ბელარუს-ჩინეთის ურთიერთობებმა ყოვლისმომცველი სტრატეგიული პარტნიორობის ისტორიაში უმაღლეს დონეს მიაღწია“, - აღნიშნა ლუკაშენკამ.
