“17 წლის წინ ვაჟკაცმა ბიჭებმა ჩვენს მტერს, რუსეთს ქვეყნის ოკუპაციის უფლება არ მისცეს, მაგრამ ჩვენ 17 წლის თავზე კიდევ ერთხელ ვნახეთ როგორ ასამართლებს რეჟიმი გმირებს - ამის შესახებ“ნაციონალური მოძრაობის” პოლიტსაბჭოს თავმჯდომარემ, ლევან ხაბეიშვილმა განაცხადა.
ლევან ხაბეიშვილის განცხადებით, 17 წლის თავზე მიმდინარეობს უკომპრომისო ბრძოლა რუსულ ხელისუფლებასთან.
“17 წელი გავიდა, როდესაც ეს ვაჟკაცი ბიჭები ჩვენი ქვეყნის მტრებს, რუსებს ეკვეთენ და არ მისცეს შესაძლებლობა, რომ ჩვენი ქვეყანა ყოფილიყო ოკუპირებული. სამწუხარო რეალობაა, რომ 17 წლის შემდეგ ივანიშვილის რეჟიმმა მოახერხა პუტინთან ერთად და მთელი საქართველო აქვს ოკუპირებული დღეს რუსულ ხელისუფლებას, მაგრამ ისიც უნდა გვესმოდეს, რომ ამ ბიჭების სისხლმა უკვალოდ არ უნდა ჩაიაროს და საქართველო აუცილებლად უნდა გათავისუფლდეს ამ ოკუპაციისგან, რომელსაც ივანიშვილი აკეთებს მის რუსულ დაჯგუფებასთან ერთად საქართველოში და ჩვენ 17 წლის თავზე კიდევ ერთხელ ვნახეთ როგორ ასამართლებს რეჟიმი გმირებს, როგორ იძახის, რომ ეს ყველაფერი თურმე პიარისთვის იყო და არა მათი ღვაწლის დაფასება, არამედ ფაქტობრივად გენერლების გასამართლებით დაგვამახსოვრა თავი იმ ღალატის კომისიამ, რომელსაც წულუკიანის კომისია ჰქვია და ეს ხალხი ეცადა აბსოლუტურად ყველაფერს, გენერლებს ეკითხებოდნენ საიდან ისროდით? რუსებს ბალისტიკურ რაკეტებს ესროდით? მე რომ უფლება მომცეთ პუტინის რეზიდენციაში ჩავაგდებდი ბალისტიკურ რაკეტას იმისთვის, რომ მან არამარტო ქართველებს და საქართველოს მოქალაქეებს გაუკეთა, არამედ რასაც აკეთებს მსოფლიოში მისი ტერორისტული მოქმედებებით, ამიტომ ჩვენ ამ 17 წლის თავზე გვაქვს უკომპრომისო ბრძოლა რეალურ რუსულ ხელისუფლებასთან და ამ ბიჭების ხსოვნის საპატივცემულოდ, ამ ბიჭების სუკებისთვის ჩვენ ვალდებულები ვართ ვიბრძოლოთ გამარჯვებამდე! მოვუწოდებ საქართველოს თითოეულ მოქალაქეს, რომ დავდგეთ ერთად და დავრჩეთ ერთად.” - განაცხადა ლევან ხაბეიშვილმა.
