უკრაინის პრეზუდენტი ვოლოდიმირ ზელენსკი მიიჩნევს, რომ რუსეთის ფედერაციის მიერ კიევზე მასობრივი თავდასხმა რომში უკრაინის აღდგენის კონფერენციის (URC-2025) დაწყებას უკავშირდებოდა.
ამის შესახებ უკრაინის პრეზიდენტმა კონფერენციის გახსნაზე სიტყვით გამოსვლისას განაცხადა.
ზელენსკიმ, პარტნიორებს სამიტში მონაწილეობისთვის მადლობა გადაუხადა და აღნიშნა, რომ ამ ღონისძიებამ მოსკოვის ყურადღებაც მიიპყრო.
„რუსეთიც მოემზადა ამ მოვლენისთვის. გუშინ ღამით მათ კიევზე მასშტაბური თავდასხმა განახორციელეს“, - თქვა მან.
ზელენსკიმ ხაზგასმით აღნიშნა, რომ ეს არის თავდასხმა ქალაქები არსებულ სამოქალაქო ობიექტებზე, რომლებიც სამხედრო საფრთხეს არ წარმოადგენს.
„ეს ნამდვილი ტერორიზმია“, - ხაზი გაუსვა პრეზიდენტმა.
უკრაინის მეთაურმა აღნიშნა, რომ უკრაინა ცეცხლის შეწყვეტის მიღწევას გეგმავს, თუმცა რუსეთს მტკიცედ აქვს გადაწყვეტილი, გააგრძელოს აგრესია.
„გასულ წელს რუსული პროპაგანდის ნაწილი იყო ის, რომ რუსეთს სურს მშვიდობა, ცეცხლის შეწყვეტა, სურს მოლაპარაკებები... ახლა ყველა ხედავს, რომ რუსეთმა უარყო ცეცხლის შეწყვეტის შესახებ ყველა იდეა“, - დასძინა მან.
ამის მიუხედავად, პარტნიორებმა ძალისხმევა უნდა გაამახვილონ უკრაინის თავდაცვისუნარიანობის გასაძლიერებლად.
„ჩვენ უნდა შევაჩეროთ რუსული დრონები და რაკეტები - ეს ნიშნავს მეტ საჰაერო თავდაცვას“, - განაცხადა პრეზიდენტმა და მოუწოდა ყველა პარტნიორს გაზარდონ ინვესტიციები ამ სექტორში.
