თანაინვესტირების ფონდის ყოფილი ხელძღვანელი, გიორგი ბაჩიაშვილი მისი დაკავების დეტალებზე განცხადებას თავად გააკეთებს, - ამის შესახებ ბაჩიაშვილი ადვოკატმა, ლევან მახარაშვილმა რუსთავის მეთორმეტე დაწესებულების დატოვების შემდეგ ჟურნალისტებს განუცხადა.
როგორც ადვოკატი აღნიშნავს, გიორგი ბაჩიაშვილი უპასუხებს შკითხვას, ჰქონდა თუ არა მას დაკავებისას პასპორტი ან როგორ მოხდა ის "მწვანე ზონაში".
თბილისის საქალაქო სასამართლოში, "მტკვარი ჰესის" საქმეზე სასამართლო პროცესი 28 მაისს, 12:00 საათზეა ჩანიშნული.
სახელმწიფო უსაფრთხოების სამსახურმა გიორგი ბაჩიაშვილი დღეს დააკავა. სუს-ის ცნობით, ბაჩიაშვილი წითელი ხიდისა და სადახლოს შორის არსებული ე.წ. მწვანე საზღვრის მონაკვეთის მიმდებარედ გადაადგილდებოდა.
