უკრაინის პრეზიდენტმა ვოლოდიმირ ზელენსკიმ ლონდონში უკრაინის, ამერიკისა და ევროპის სამი ქვეყნის დელეგაციებთან შეხვედრის წინ გამართულ ბრიფინგზე განაცხადა, რომ უკრაინა იურიდიულად არ აღიარებს ყირიმის ოკუპაციას.

"უკრაინა იურიდიულად არ ცნობს ყირიმის ოკუპაციას. ეს არის ჩვენი ტერიტორია, უკრაინელი ხალხის ტერიტორია. აქ სალაპარაკო არაფერია - ეს ჩვენი კონსტიტუციის მიღმაა", - განაცხადა ზელენსკიმ.

მისი თქმით, ყირიმის და რუსეთის მიერ ოკუპირებული სხვა ტერიტორიების საკითხის განხილვა მხოლოდ ომის გახანგრძლივებას იწვევს და „ეს არის ზუსტად ის, რაც რუსეთს სურს“.

"ჩვენ უკვე 12 წელია ვიბრძვით. ეს არის პასუხი კითხვაზე, შესაძლებელია თუ არა რუსეთთან ტერიტორიებზე შეთანხმების მიღწევა", - განაცხადა ზელენსკიმ.

მან დასძინა, რომ ყირიმის რუსეთად აღიარების შესახებ სიტყვები შეიძლება აღქმული იქნას როგორც "სიგნალი", მაგრამ კიევს ამ საკითხზე ოფიციალური წინადადება არ მიუღია.

უკრაინის პრეზიდენტმა აღნიშნა, რომ მიუხედავად იმისა, რომ ეს „სიგნალი“ ​​ისმის, მან არ იცის, ეს ამერიკელი ოფიციალური პირებისგან მოდის თუ რუსეთის მხრიდან.

უკრაინის პრეზიდენტმა ასევე ისაუბრა სამშვიდობო შეთანხმებისა და შემდგომი მოლაპარაკებების შესახებ აშშ-ს წინადადებებთან დაკავშირებით.

ზაპოროჟიეს ატომური ელექტროსადგურის მახლობლად მდებარე ტერიტორიის კონტროლის შესახებ აშშ-ის წინადადებაზე კომენტირებისას, რომლის შესახებაც The Wall Street Journal-მა დაწერა, ზელენსკიმ თქვა, რომ სადგურის ოპერატორი შეიძლება იყოს მხოლოდ უკრაინა. ზელენსკიმ აღნიშნა, რომ აშშ უკრაინის გარეშე ვერ შეძლებს ზაპორიჟიეს ატომურ ელექტროსადგურზე მუშაობას.

ზელენსკის განცხადებით, 23 აპრილს ლონდონში გამართულ მოლაპარაკებებზე უკრაინის დელეგაციას, როგორც ექნება მანდატი, განიხილოს ცეცხლის უპირობო ან ნაწილობრივი შეწყვეტის საკითხი.

ზელენსკის თქმით, ცეცხლის შეწყვეტის შემდეგ უკრაინა მზად არის ნებისმიერი ფორმატით დაჯდეს მოლაპარაკებების მაგიდასთან.  

„ჩვენ ასევე მზად ვართ დავაფიქსიროთ, რომ ცეცხლის შეწყვეტის შემდეგ, ჩვენ მზად ვართ დავსხდეთ [მოლაპარაკების მაგიდასთან] ნებისმიერ ფორმატში, რათა არ იყოს ჩიხი“, - განაცხადა ზელენსკიმ.

22 აპრილს, ლონდონის მოლაპარაკებების წინ, The Washington Post-მა გაავრცელა ინფორმაცია, რომ უკრაინული და ევროპული დელეგაციები „აშშ-ის წინადადების წინაშე აღმოჩნდებიან“, რომელიც ითვალსიწინებს ყირიმის რუსეთის ნაწილად აღიარებას და ფრონტის ხაზის გაყინვას.

23 აპრილს ლონდონში გაიმართება შეხვედრა, სადაც შეერთებული შტატები, უკრაინა და მისი ევროპელი მოკავშირეები განიხილავენ ნაბიჯებს უკრაინაში რუსეთსომის დასასრულებლად.

უკრაინის დელეგაციის შემადგენლობაში იქნებიან პრეზიდენტის ოფისის ხელმძღვანელი ანდრიი ერმაკი, თავდაცვის მინისტრი რუსტემ უმეროვი, საგარეო საქმეთა მინისტრი ანდრიი სიბიჰა და პრეზიდენტის ოფისის უფროსის მოადგილე პავლო პალისა.