მხოლოდ ჩემი პრემიერ-მინისტრობით წარმომიდგენია კოალიციური მთავრობა, - ამის შესახებ „ლეიბორისტული პარტიის“ ლიდერმა შალვა ნათელაშვილმა განაცხადა.
„დღეს არცერთი მოქმედი ლიდერი, მოქმედი პოლიტიკოსი არ ვართ ჩვენი ერის ღირსი, ჩვენი ერი ბევრად მაღლა დგას, ბევრად მომზადებულია, ბევრად თავდადებულია, ვიდრე მთელი პოლიტიკური სპექტრი ერთად აღებული. მაგრამ არსებულში რა თქმა უნდა, არის უკეთესი, ბევრად უკეთესი - ამიტომ მხოლოდ ჩემი პრემიერ-მინისტრობით წარმომიდგენია კოალიციური მთავრობა, სადაც ყველა სხვა ოპოზიციური პარტიის წარმომადგენლები დაიკავებენ მინისტრის პოსტს და აიღებენ ვალდებულებას, რომ დემოკრატიული სოციალიზმი დამყარდეს, როგორც სისტემა და არა როგორც ერთჯერადი მოვალეობა, როცა პარტიები არჩვენების წინ და არჩევნების შემდეგ კოსმეტიკურ გადაწყვეტილებებს მიიღებენ და მერე მსხვილი კაპიტალის გამდიდრებას შეუდგებიან,“ - განაცხადა შალვა ნათელაშვილმა.
