ჩრდილოეთ კავკასიის რეგიონში შენარჩუნებულია უკანონობა და აღინიშნება არალეგალური შეიარაღებული დაჯგუფებების აქტივობის ზრდა. ნათქვაია ადამიანის უფელბათა ევროსაბჭოს კომისრის თომას ჰამერბერგის მოხსენებაში, მიდინარე წლის სექტემბერში ჩეჩნეთსა და ინგუშეთში განხორციელებული ვიზიტის შედეგებზე დაყრდნობით.
რეგიონში ვითარების კომენტირებისას ევროკომისარი აცხადებს, რომ დაკარგული და მოკლული ადამიანების საქმეებზე გამოძიება არასაკმარისად მიმდინარეობს.
ჰამერბერგი მიიჩნევს, რომ ხელისუფლება ვალდებულია არა მხოლდ დაიცვას მოსახლეობა ტერორისგან და არალეგალური შეიარაღებული დაჯგუფებების მოქმედებებისგან, არამედ უნდა უზრუნველყოს ადამიანის უფელბათა სრული დაცვა. განსაკუთრებით ანტიტერორისტული ღონისძიებების მსვლელობისას.
"ტერორზიმთან ბრძოლას არ უნდა მივყავდეთ წამებასთან და დაკავებულთა გაუსაძლის მდგომარეობაში ყოფნასთან. ადამიანის უფლებები ზუსტად უნდა იყოს დაცული ტერორისტულ საქმიანობასთან დაკავშირებული ეჭვმიტანილი ადამიანების დაკავებისას", - აცხადებს ჰამერბერგი.
იგი მიიჩნევს, რომ დაკავებულთა ადგილსამყოფელი უნდა ექვემდებარებოდეს დამოუკიდებელ კონტროლს და უზრუნველყოფილი უნდა იყოს სამართლიანი სასამართლოთი.
ევროკომისარი აცხადებს, რომ რეგიონში ადამიანის უფლებათა დამცველებს უნდა შეექმნათ მუშაობისთვის ხელსაყრელი პირობები. ადამიანის უფლებათა დამცველებზე თავდასხმა და მათი მკვლელობა უნდა გახდეს გამოძიების საგანი და დამნაშავეები უნდა დაისაჯონ.
