უკრაინული მედიის ინფორმაციით, გასულ ღამეს რუსეთის ძალები უკრაინას 17 დრონით თავს დაესხნენ. უკრაინის საჰაერო თავდაცვამ 17 დრონიდან 11 გაანადგურა.
უკრაინის საჰაერო ძალების ცნობით, 11 „შაჰედი“ მიკოლაივის, ოდესის, ვინიცისა და დნიპროპეტროვსკის ოლქებში ჩამოაგდეს.
მათივე ინფორმაციით, მტრის საჰაერო თავდასხმის მოგერიებაში ჩართული იყო უკრაინის საჰაერო ძალებისა და თავდაცვის ძალების საზენიტო-სარაკეტო ქვედანაყოფები და მობილური საცეცხლე ჯგუფები.
