ერთი ირაკლი მეორე ირაკლის შეცვლის და ერთი მეორეზე მაღალი რომ არის, ეს იქნება, მეტი არაფერი შეიცვლება., - ამის შესახებ პარტია „მოქალაქეების“ წევრმა, ალეკო ელისაშვილის განაცხადა.
"ვარცხნილობა აქვს კიდევ უფრო განსხვავებული. რეალურად, არაფერი შეიცვლება – ისევ მოვისმენთ, რომ ეკონომიკა ყვავის, გადადუღდა და ორთქლი ამოსდის, ყველა რომ მდიდრები ვართ და მინიმუმზეა უმუშევრობა. ქვეყნისთვის და ხალხისთვის არაფერი შეიცვლება. როგორც ჩანს, ბიძინა ივანიშვილი მართლა ბევრ რამეში არ ერეოდა და ბევრმა ჩათვალა, რომ ბრჭყალები მოუცვდა, უნდა, აჩვენოს, რომ მთლად პენსიაზე არ ყოფილა წასული. როცა კამერა ირთვება, კობახიძე საშინლად, ცინიკურად და აგდებულად ლაპარაკობს ოპონენტებზე, მაგრამ ვერ იტყვი, რომ კომპეტენტური არ არის. საპარლამენტო საქმიანობაში კომპეტენტური იყო. ირაკლი კობახიძე, ღარიბაშვილისგან განსხვავებით, კორუფციაში შემჩნეული არ ყოფილა. ღარიბაშვილი თვითმფრინავს სახელმწიფოს ხარჯზე დაატარებდა და შვილი დაჰყავდა უნივერსიტეტში. შეიძლება კობახიძის შერჩევის ერთ-ერთი მიზეზი ის იყო, რომ კორუფციაში არ არის შემჩნეული“, – აღნიშნა ალეკო ელისაშვილმა.
არსებული ინფორმაციით, ირაკლი კობახიძე პრემიერ-მინისტრის თანამდებობაზე იქნება წარდგენილი, ირაკლი ღარიბაშვილი კი პარტიის თავმჯდომარის თანამდებობას დაიკავებს.
