თაკო ჩარკვიანის განცხადების ნამდვილობას მაშინ დავიჯერებ, როცა რუსთაველის გამზირზე ლეიბზე წამოწოლილ თაკო ჩარკვიანს დავინახავ, დანარჩენი, ვიღაცების ფანტაზიაა, – ამის შესახებ „გირჩის“ წევრმა იაგო ხვიჩიამ განაცხადა.
„თაკო ჩარკვიანი, როგორც იდეის ავტორი და ინიციატორი, მაგალითს უნდა აძლევდეს საკუთარ მხარდამჭერებს და შემდეგ უნდა მოუწოდებდეს. თუ გინდა, რომ საკუთარ იდეას ვინმემ პატივი სცეს, თავად უნდა დაიწყო მისი განხორციელება. ხალხს მაგალითი თავად უნდა მისცეს. ოპოზიცია იმიტომ ქირქილებს, რომ თაკო ჩარკვიანმა თავად არ მისცა სხვებს მაგალითი“, – განაცხადა ხვიჩიამ.
„კანონისა და სამართლის“ ლიდერმა, თაკო ჩარკვიანმა სოციალურ ქსელში დაწერა: „არ გავიდეთ გარეთ, არა? არ დავყაროთ კარვები და ლეიბები?“
