გერმანელი მუსიკოსი, კომპოზიტორი და პროდიუსერი ფრენკ ფარიანი (ნამდვილი სახელი ფრანც როიტერი), რომელმაც სახელი გაითქვა ლეგენდარული მუსიკალური ჯგუფის, Boney M-ის დაფუძნებით, 83 წლის ასაკში გარდაიცვალა.
ოჯახის ინფორმაციით, ფარიანი საკუთარ სახლში მაიამიში, ფლორიდის შტატში გარდაიცვალა.
ფრენკ ფარიანი დაიბადა გერმანიაში 1941 წელს. 1976 წელს ფარიანმა შექმნა ჯგუფი Boney M, რომელშიც მის გარდა შედიოდნენ ლიზ მიტჩელი, მარსია ბარეტი, მეისი უილიამსი და ბობი ფარელი.
ის ასევე თანამშრომლობდა ისეთ ცნობილ შემსრულებლებთან, როგორებიცაა სტივ უანდერი და Meat Loaf.
ფარიანმა საერთაშორისო წარმატებას მიაღწია 1970-იან წლებში და თავისი კარიერის განმავლობაში გაყიდა 800 მილიონზე მეტი ჩანაწერი სხვადასხვა შემსრულებლებთან ერთად.
სწორედ ფრენკ ფარიანი იდგა Boney M-ის ყველაზე პოპულარული ჰიტების უკან, როგორებიცაა Daddy Cool, Rasputin, Brown Girl in the Ring, Rivers of Babylon და სხვა.
