პოლონეთის საგარეო საქმეთა ახალმა მინისტრმა რადოსლავ სიკორსკიმ განაცხადა, რომ პოლონეთს სურს ათწლეულის ბოლოს უკრაინა ევროკავშირის წევრად იხილოს მის საერთაშორისოდ აღიარებულ საზღვრებში.
ამის შესახებ სიკორსკიმ კიევში გამართულ ბრიფინგზე განაცხადა.
როგორც სიკორსკიმ ხაზგასმით აღნიშნა, პოლონეთს მიაჩნია, რომ უკრაინამ უნდა მოიგოს ეს ომი.
„ათწლეულის ბოლოს ჩვენ გვინდა, რომ უკრაინა, მის საერთაშორისოდ აღიარებულ საზღვრებში, იყოს ევროკავშირის წევრი და პოლონეთის მნიშვნელოვანი პარტნიორი, უკვე როგორც ევროპული ოჯახის წევრი“, - აღნიშნა პოლონეთის პირველმა დიპლომატმა.
მან დასძინა, რომ პოლონეთი უკრაინის ნამდვილი მეგობარია და „ახლა, როცა ფრონტზე ჩიხია, ეს სიტუაცია ამ მეგობრობის გამოცდაა“.
„ჩვენ ასევე ვაცნობიერებთ, რომ თუ უკრაინა გაიმარჯვებს, ეს მორალურად გააძლიერებს არა მხოლოდ თავად უკრაინას, არამედ მთელი თავისუფალ სამყაროს, ამიტომ უკრაინამ უნდა გაიმარჯვოს“, - აღნიშნა სიკორსკიმ.
პოლონეთის საგარეო საქმეთა მინისტრი უკრაინაში სამუშაო ვიზიტით დღეს ჩავიდა. რადოსლავ სიკორსკი უკრაინელ კოლეგას დმიტრო კულებას შეხვდა.
