Skype -ს ადმინისტრაციამ სისტემის გათიშვასთან დაკავშირებით განმარტება გააკეთა. მათი ინფორმაციით, Skype არ წარმოადგენს ერთიან სატელეფონო ან სხვა სახის ქსელს და ის ეყრდნობა ცალკეულ კავშირებს კომპიუტერებსა და ტელეფონებთან, რათა უზრუნველყოს გამართული მუშაობა.
"ზოგიერთი ამ კომპიუტერებიდან წარმოადგენენ "სუპერკვანძებს". ნორმალურ პირობებში სუპერკვანძების უმეტესობა ხელმისწავდომია, თუმცა დღეს მრავალ მათგანს შეექმნა პრობლემა, რომელიც შეეხება Skype -ს ცალკეულ ვერსიებს. ამჟამად კომპანიის ტექნიკური პერსონალი ქმნის ახალ სუპერკვანძებს, რათა მოხერხდეს არსებულ ვითარებაზე კონტროლის აღდგენა. ხმოვანი კავშირის აღდგენას დასჭირდება რამდენიმე საათი. ხოლო ვიდეოკავშირისას _ უფრო მეტი დრო", _ განმარტავს Skype -ს ადმინისტრაცია.
შეგახსენებთ, რომ 22 დეკემბერს საღამოს პოპულარული ინტერნეტსერვის Skype -ს პრობლემები შეექმნა. მილიონობით მომხმარებელი სისტემაში შესვლას ვერ ახერხებს. პრობლემა შეექმნა, როგორც საქართველოს ასევე ევროპისა და ჩრდილოეთ ამერიკის მილიონობით მომხმარებელს.