უკრაინა წლის ბოლომდე გერმანიისგან მცირე მანძილზე მოქმედ საჰაერო თავდაცვის Skynex-ის ტიპის კიდევ ორ სისტემას მიიღებს. ამის შესახებ კონცერნმა Rheinmetall -მა განაცხადა.
როგორც Rheinmetall-ში აღნიშნავენ, Skynex-ის ტიპის საჰაერო სისტემები განკუთვნილია ჰაერსაწინააღმდეგო თავდაცვითი მოქმედებებისთვის ძალიან ახლო მანძილზე, სადაც მართვადი რაკეტები არაეფექტურია.
თებერვალში ცნობილი გახდა, რომ გერმანია უკრაინას Skynex-ის ტიპის სისტემებს გადასცემდა. გერმანულმა კომპანია Rheinmetall-მა ისინი საგანგებოდ უკრაინისთვის დაამზადა. აღნიშნულია, რომ მათი ღირებულება 212 მილიონ დოლარს შეადგენს. მოგვიანებით, უკრაინის პრემიერ-მინისტრმა დენის შმიგალმა დაადასტურა, რომ ეს სისტემები უკვე უკრაინაშია.
როგორც ექსპერტები აღნიშნავენ, აღნიშნული სისტემები რუსებისთვის ერთ-ერთი ყველაზე უსიამოვნო სიურპრიზია. ის უშვებს წამში 16 ჭურვს, ამასთან, თითოეულ ჭურვს შიგნიდან აქვს 150 გამანადგურებელი ელემენტი. ისინი ქმნიან ღრუბელს, რომლის წყალობითაც 4 კილომეტრის რადიუსში ვერ გაივლის ვერც დრონი, ვერ ვერტმფრენი, ვერც რაკეტა.
