ბრიტანეთის თავდაცვის მინისტრმა ბენ უოლესმა განაცხადა, რომ კონტრშეტევის დროს უკრაინის თავდაცვის ძალებმა იმაზე მეტი ტერიტორიები დაიბრუნეს, ვიდრე რუსეთის საოკუპაციო ძალებმა ზამთრის განმავლობაში დაიკავეს. ამის შესახებ უოლესმა ბრიტანეთის პარლამენტში სიტყვით გამოსვლისას ისაუბრა.
უოლესის თქმით, უკრაინამ უკვე გაათავისუფლა თავისი ტერიტორიების დაახლოებით 300 კვადრატული კილომეტრი, რომელიც რუსეთის ოკუპაციის ქვეშ იმყოფებოდა.
„ეს იმაზე მეტი ტერიტორიაა, ვოდრე რუსეთმა ზამთრის შეტევითი ოპერაციების დროს დაიკავა“, - აღნიშნა მან.
უოლესმა ასევე აღნიშნა, რომ უკრაინის არმია განაგრძობს ეტაპობრივ, მაგრამ სტაბილურ პროგრესს კონტრშეტევითი ოპერაციის დროს აღმოსავლეთითა და სამხრეთით, სამ საკვანძო მიმართულებაზე.
