პარლამენტთან ჭიათურელი მაღაროელების საპროტესტო აქცია მიმდინარეობს. მანამდე ისინი მსვლელობით "ჯორჯიან მანგანეზის' ოფისთან იმყოფებოდნენ.
დღეს მაღაროელების პროტესტის მე-14, ხოლო შიმშილობის მე-9 დღეა.
18 ივნისს ერთ-ერთმა მაღაროელმა თვალები ამოიკერა, მეორემ კი ვენები გადაიჭრა. მანამდე კიდევ ერთმა თანამშრომელმა პირი ამოიკერა.
მაღაროელები ღირსეულ ანაზღაურებას, სამუშაო პირობების გაუმჯობესებას და შრომითი უსაფრთხოების ნორმების დაცვას ითხოვენ.
"ჯორჯიან მანგანეზმა" განცხადება გაავრცელა და თქვა, რომ კომპანია მზადაა, დასაქმებულთა მოთხოვნის შესაბამისად, მუშაობა ძველი სამუშაო გრაფიკით განაახლოს და ხელფასები 5%-ით გაზარდოს, რასაც მაღაროელები არ ეთანხმებიან.
ფოტო: ფორმულა
