"შეაჩერე ცხოველებზე ძალადობა" - რუსთაველის გამზირზე, პარლამენტის შენობის წინ, საპროტესტო აქცია გაიმართა.
აქციის ორგანიზატორის, შოთა კაჭკაჭიშვილის თქმით, ამ მოთხოვნით აქციები პერმანენტულად გაიმართება.
„მთავარი მოთხოვნაა დამნაშავეების დასჯა და კანონის გამკაცრება, რადგან საბოლოოდ დასრულდეს ეს ძალადობა. გაჟღერდა ბატონ გომელაურთან შეხვედრის მოთხოვნა და შესაბამისად, ველოდებით მათ პასუხს ერთი საათის განმავლობაში და შემდეგ განვაცხადებთ სამოქმედო გეგმებს. ჩვენ არ ვაპირებთ გაჩერებას და აქციები იქნება რადიკალური და პერმანენტული“, – განაცხადა შოთა კაჭკაჭიშვილმა.
