ცოტა ხნის წინ უკრაინის დედაქალაქში აფეთქების ხმა გაისმა. როგორც უკრაინის დედაქალაქის მერი ვიტალი კლიჩკო იუწყება, ოკუპანტებმა ქალაქზე სარაკეტო იერიში მიიტანეს. მისივე თქმით, აფეთქების ხმა კიევის პოდოლსკის რაიონში გაისმა.
კიევის სამხედრო საოლქო ადმინისტრაციის ცნობით, მუშაობს ჰაერსაწინააღმდეგო თავდაცვის სისტემა.
უკრაინის შეიარაღებულ ძალების განცხადებით, კიევზე შეტევა ბალისტიკური რაკეტებით განახორციელეს.
მათივე ცნობით, „კალიბრის“ ტიპის რაკეტები ასევე გაუშვეს უკრაინის ჩრდილოეთ ნაწილში. უკრაინის თითქმის მთელ ტერიტორიაზე განგაშია გამოცხადებული.
უკრაინაზე თავდასხმა სამხრეთ აფრიკის რესპუბლიკის პრეზიდენტის სირილ რამაფოსას ვიზიტის ფონზე განხორციელდა. მან უკრაინის ხელისუფლებასთან აფრიკული სამშვიდობო ინიციატივა უნდა განიხილოს. რამაფოსა უკვე ბუჩაში ჩავიდა.
