ამერიკის შეერთებული შტატების ელჩი, კელი დეგნანი საქართველოს პარლამენტთან 9 აპრილის მემორიალთან მივიდა და 1989 წლის 9 აპრილს დაღუპულთა ხსოვნას პატივი მიაგო.
ამასთან ამერიკის საელჩომ საქართველოში 9 აპრილის ტრაგედიასთან დაკავშირებით, პოსტი გამოაქვეყნა, და დაწერა - "ჩვენ გვახსოვს 9 აპრილი".
9 აპრილის ტრაგედიიდან 34 წელი გავიდა. 1989 წლის 9 აპრილს, გამთენიისას საბჭოთა კავშირის შეიარაღებული ძალების ნაწილებმა თბილისის ცენტრში, პარლამენტის შენობასთან მშვიდობიანი საპროტესტო აქცია დაარბიეს, რასაც ადამიანთა მსხვერპლი მოჰყვა. დარბევის შედეგად 21 ადამიანი დაიღუპა, ხოლო ასობით მოქალაქე დაუდგენელი შემადგენლობის გაზით მოიწამლა. მოგვიანებით, 1991 წლის 9 აპრილს კი უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.
