- საზოგადოება 08 ნოემბერი 2022, 11:38
იანვარ-სექტემბერში საქართველოდან ექსპორტი რუსეთში 11%-ით გაიზარდა ხოლო რუსეთიდან იმპორტი 73%-ით - საერთაშორისო გამჭვირვალობა - საქართველო
"საერთაშორისო გამჭვირვალობა - საქართველოს" კვლევის მიხედვით, 2022 წლის იანვარ-სექტემბერში საქართველოს ექსპორტი რუსეთში 11%-ით გაიზარდა ხოლო რუსეთიდან იმპორტი 73%-ით.
2022 წლის იანვარ-სექტემბერში ქართული პროდუქციის რუსეთში ექსპორტი, წინა წლის ანალოგიურ პერიოდთან შედარებით, 11%-ით გაიზარდა და 473 მლნ აშშ დოლარი შეადგინა, იმპორტი კი - 73%-ით გაიზარდა და მან 1.2 მლრდ აშშ დოლარს მიაღწია. საქართველოს მთლიან ექსპორტში რუსეთის წილი 11.5% იყო, რაც 3.3 პროცენტული პუნქტით ნაკლებია 2021 წლის იანვარ-სექტემბრის მაჩვენებელზე (იხილეთ გრაფიკი 1). ეს შემცირება განაპირობა იმ გარემოებამ, რომ რუსეთში ქართული ექსპორტი უფრო ნაკლები მასშტაბით გაიზარდა, ვიდრე საქართველოს მთლიანი ექსპორტი. 2022 წლის იანვარ-სექტემბერში საქართველოს მთლიანი ექსპორტი ჯამში 37.4%-ით გაიზარდა", - წერს TI.
