უშიშროების საბჭოს მდივნის ეკა ტყეშელაშვილის განცხადებით, საქართველოს შეიარაღებული ძალების გადაადგილება საფრთხის შემცველი არ არის. ამის შესახებ ტყეშელაშვილმა ჟურნალისტებს თავდაცვის სამინისტროს მიერ თბილისის, გორისა და ბაზალეთის ტერიტორიაზე დაგეგმილ გარკვეულ სამხედრო გადადგილებებზე კომენტირებისას განუცხადა.
"საქართველოს არაფერი დასამალი არ აქვს და ჩვენი შეიარაღებული ძალების გადაადგილება საფრთხის შემცველი არ არის. ამ გადაადგილებას ევროკავშირის სადამკვირევებლო მისიაც დაკავირდება რის თაობაზეც ჩვენ პოლიტიკური გადაწყვეტილება უკვე მივიღე", - განაცხადა ტყეშელაშვილმა.
აღნიშნულ კონტექსტში ის აცხადებს, რომ ქართული მხარე ევროკავშირთან ტრანსფარენტულ რეჟიმში მუშაობს.
შეგახსენებთ, რომ მომავალ კვირას თავდაცვის სამინისტრო თბილისის, გორისა და ბაზალეთის ტერიტორიაზე შეიარაღებული ძალების გარკვეულ გადაადგილებას გეგმავს, რის თაობაზეც თბილისმა შესაბამისი შეტყობინება ევბროკავშირის სადამკვირვებლო მისიას უკვე გაუგზავნა.
