თურქეთის ჩრდილო-დასავლეთით, ბურსას პროვინციაში ტურისტული ავტობუსი ხევში გადავარდა, რის შედეგადაც ხუთი ადამიანი დაიღუპა და 38 დაშავდა.
ავტობუსი ქუთაჰიას პროვინციიდან ბურსაში, მუდანიას რაიონში მიემგზავრებოდა და გადაჰყავდა ტურისტების ჯგუფი სანაპირო ქალაქში.
დაღუპულთა შორის არის მძღოლი და ოთხი მგზავრი. ავტობუსის მძღოლი და ორი მგზავრი ადგილზე გარდაიცვალა, ორი კი საავადმყოფოსკენ მიმავალ გზაზე.
38-ვე დაშავებული სამედიცინო დაწესებულებებში გადაიყვანეს.
წინასწარი ინფორმაციით, ავტობუსს მუხრუჭი დაუზიანდა, მძღოლმა კონტროლი დაკარგა და გზატკეცილიდან გადავიდა.
შემთხვევის ადგილზე სასწრაფო დახმარების ბრიგადები, მეხანძრეები, მაშველები და სამართალდამცავები იმყოფებოდნენ.
მომხდართან დაკავშირებით მიმდინარეობს გამოძიება.
თურქეთში ავტოსაგზაო შემთხვევებს ყოველწლიურად ასობით ადამიანის სიცოცხლეს ეწირება. თურქეთის პოლიციის საგზაო დეპარტამენტის მონაცემების თანახმად, 2022 წლის პირველი ექვსი თვის განმავლობაში ავტოსაგზაო შემთხვევებმა 920 ადამიანი იმსხვერპლა, 127 619 კი დაშავდა.
ამავე პერიოდში ქვეყნის მასშტაბით დაფიქსირდა 88 000 ავარია, რომელშიც მონაწილეობდა თითქმის 70 000 მანქანა და 25 000-ზე მეტი მოტოციკლი.