ინდოეთის მმართველი პარტიის, ნაციონალური დემოკრატიული ალიანსის კანდიდატმა დროპადი მურმუმ საპრეზიდენტო არჩევნებში გაიმარჯვა.
არჩევნებში გამარჯვება მურმუს ინდოეთის პრემიერ-მინისტრმა ნარენდრა მოდიმ მიულოცა.
მურმუ სანტალების ხალხთა წარმომადგენელია. ის მეორე ქალია, რომელიც ინდოეთის პრეზიდენტი გახდა.
მურმუ 2015 წელს ჯარქხანდის შტატის გუბერნატორად ხუთი წლით იყო არჩეული.
ინდოეთის პრეზიდენტი წარმოადგენს სახელმწიფოს მეთაურსა და უმაღლეს მთავარსარდალს. თუმცა, ის მხოლოდ წარმომადგენლობით ფუნქციას ასრულებს, ქვეყანას კი პრემიერ-მინისტრი ხელმძღვანელობს. ინდოეთში პრეზიდენტს ხუთი წლით, ორი ვადით ირჩევენ.
ინდოეთში პრეზიდენტს ირჩევენ არაპირდაპირი წესით, ამომრჩეველთა კოლეგიები, რომლებიც პარლამენტის ორივე პალატის დეპუტატებისა და შტატების საკანონმდებლო კრების წევრებისგან შედგება.
