როდესაც არის ჭორები, სპეკულაციები და კომენტარები, რომლებიც არ ეფუძნება ფაქტებს, ეს შეიძლება, იყოს ძალიან დამაბნეველი ქართველი ხალხისთვის და არ ვფიქრობ, რომ ეს დიალოგს უწყობს ხელს, - ამის შესახებ ჟურნალისტებს საქართველოში აშშ-ის ელჩმა, კელი დეგნანმა განუცხადა.
მისი თქმით, ბევრად მეტად სათანადო მიდგომა არის განსხვავებული მოსაზრებების პირადად განხილვა.
„როგორც აქამდე ვთქვი, ბუნებრივია, როდესაც პარტნიორობის, მეგობრობის დროს არის უთანხმოებები, ეს ყველამ იცის. თუმცა, ამის განხილვის საუკეთესო გზაა პირადად განხილვა და შემდეგ, თუ აუცილებელია, საჯაროდ. ჩვენ გამოგვიქვეყნებია საჯარო განცხადებები, რომ ჩვენ გვქონდა შეშფოთებები მთავრობის ქმედებებთან დაკავშირებით, რომლებიც არ შეესაბამება საუკეთესო პრაქტიკას და არ ეხმარება საქართველოს ევროატლანტიკური მომავლისკენ სვლაში. ასე რომ, ვიტყოდი, რომ ფუნდამენტურად, როგორც დიპლომატი, ყოველთვის უპირატესობას მივანიჭებ პირად, გულწრფელ ჩართულობას, თუმცა ყოველთვის პატივისცემით. ვფიქრობ, ამას ყველა იმსახურებს“, – აღნიშნა კელი დეგნანმა.
