რუსული "გაზპრომი" ევროპისთვის "ჩრდილოეთის ნაკადი 1"-ით გაზის მიწოდებას დროულად განაახლებს, მას შემდეგ რაც, დაასრულებს "ტექნიკურ სამუშაოებს". იტყობინება სააგენტო Reuters-ი ვითარებაში გარკვეულ წყაროებზე დაყრდნობით.
ევროპის ქვეყნებით, უმეტესად კი გერმანია, შიშობდნენ, რომ "გაზპრომი" 21 ივლისიდან აღარ განაახლებდა ბუნებრივი აირის მიწოდებას. სწორედ 21 ივლისს სრულდება 10-დღიანი ვადა, რაც "გაზპრომმა" ტექნიკური სამუშაოების მოტივით, შეწყვიტა მილსადენით გაზის მიწოდება.
Reuters-ის ცნობით, ბუნებრივი აირის ნაკადები განახლდება 21 ივლისიდან, თუმცა სავარაუდოდ, მოცულობა აღარ იქნება უწინდელი რაოდენობის - 160 მილიონი კუბური მეტრი დღეში.
დასავლური მედიის ცნობით, Reuter-ის მოპოვებული ინფორმაცია, გარკვეულ შვებას მოგვრის ევროპულ ქვეყნებს, რომლებიც ემზადებიან იმ შემთხვევაში, თუ კრემლი გამოიყენებს "ტექნიკურ სამუშაოებს" გაზის მიწოდების განუსაზღვრელი ვადით შეწყვეტის მიზნით, დასავლეთის სანქციების საპასუხოდ.
შეგახსენებთ, 11 ივლისიდან რუსეთმა "ჩრდილოეთის ნაკადი 1"-ით ევროპისთვის გაზის მიწოდება შეაჩერა.
გაზსადენის ოპერატორმა კომპანიამ Nord Stream AG-მა, გაზსადენის ექსპლუატაციის შეჩერება დაგეგმილი ყოველწლიური ტექნიკური სამუშაოებით ახსნა.
ივნისში "გაზპრომმა" უკვე შეამცირა ევროპისთვის "ჩრდილოეთის ნაკადი1"-ით გაზის მიწოდება 40%-ით, დადგეგმილი 167-დან 100 მილიონ კუბურ მეტრამდე დღეში.
"ჩრდილოეთის ნაკადი 1" გერმანიისა და მისი მეზობელი ქვეყნებისთვის გაზის მიწოდების ყველაზე მნიშვნელოვანი მარშრუტია.
