ვამაყობთ, რომ თურქული დრონები უკრაინის დამოუკიდებლობისთვის ბრძოლის ერთ-ერთ სიმბოლოდ იქცა - ამის შესახებ თურქული უპილოტო საფრენი აპარატების მწარმოებელი კომპანია Baykar Makina-ს აღმასრულებელმა დირექტორმა ჰალუკ ბაირაქთარმა.
ამავდროულად, ბაირაქთარმა კატეგორიულად გამორიცხა რუსეთისთვის თურქული საბრძოლო დრონების მიყიდვის შესაძლებლობა.
"ჩვენ არასდროს გავაკეთებდით ასეთ რამეს. იმიტომ, რომ ჩვენ მხარს ვუჭერთ უკრაინის წინააღმდეგობას, მის სუვერენიტეტსა და დამოუკიდებლობას", - განაცხადა მან.
მანამდე უკრაინის თავდაცვის მინისტრმა ოლექსი რეზნიკოვმა განაცხადა, რომ კიევი არის Bayraktar-ის ერთ-ერთი მთავარი მყიდველი, რომელიც რუსეთთან ომის დაწყებიდან 50-მდე აპარატის მფლობელი გახდა.
უახლოეს მომავალში კომპანია მთლიანად უკრაინისთვის იმუშავებს, რადგანაც ქვეყანამ კიდევ რამდენიმე ათეული საბრძოლო დრონი შეუკვეთა.
ივნისის ბოლოს თურქეთის თავდაცვის მრეწველობის სააგენტოს ხელმძღვანელმა ისმაილ დემირმა განაცხადა, რომ ანკარამ გადაწყვიტა მეტი სიფრთხილით მოეკიდოს უკრაინას იარაღის მიწოდებას, რათა არ გაიფუჭოს ურთიერთობა მოსკოვთან. მისი თქმით, ახლა თურქეთი ორიენტირებულია კონფლიქტის მშვიდობიანი მოგვარების ძიებაზე და აპირებს უკრაინას მხოლოდ დაცვის საშუალებების გაგზავნას.
