დიდი ბრიტანეთის მმართველი კონსერვატიული პარტიის ლიდერობისთვის ბრძოლას 4 კანდიდატი განაგრძობს.
დღეს გამართული არჩევნების მესამე რაუნდში მიღებული შედეგების თანახმად, ბრძოლას გამოეთიშა თემთა პალატის საგარეო საქმეთა კომიტეტის თავმჯდომარე, ტომ ტუგენდატი, რომელმაც 31 ხმა მიიღო.
შემდეგ რაუნდში გადავიდნენ:
რიში სუნაკი, ყოფილი ხაზინის მდივანი - 115 ხმა
პენდი მორდონთი, ყოფილი თავდაცვის მდივანი - 82 ხმა
ლიზ ტრასი, საგარეო საკითხთა მდივანი - 71 ხმა
კემი ბადენოხი, დეპუტატი - 58 ხმა
არჩევნების რაუნდები გაიმართება იქამდე, ვიდრე ორი კანდიდატი არ დარჩება. ამ ორს შორის არჩევანს კონსერვატიული პარტიის წევრები გააკეთებენ. მოელიან, რომ 5 სექტემბერს უკვე ცნობილი იქნება ბრიტანეთის ახალი პრემიერ-მინისტრის ვინაობა.
შეგახსენებთ, 7 ივლისს ბრიტანეთის პრემიერ-მინისტრმა ბორის ჯონსონმა კონსერვატიული პარტიის ლიდერის თანამდებობა დატოვა. ჯონსონი პრემიერ-მინისტრის მოვალეობის შესრულებას განაგრძობს, ვიდრე კონსერვატიული პარტია ახალ ლიდერს არ აირჩევს.
