"ხვალ მათ დაგეგმილი აქვთ ბაკურიანის შეკრებისა და „შულავერის კომიტეტის“ გეგმების გამომზეურება", აცხადებს "ქართული ოცნების“ თავმჯდომარე. ირაკლი კობახიძის თქმით, ეს იქნება 24 ივნისისთვის დაგეგმილი აქციის მიზანი.
„კიდევ ერთხელ გავიმეორებ, რომ მათ გეგმას ასრულება არ უწერია. ისევე, როგორც წინა ათი წლის განმავლობაში, უზრუნველყოფილი იქნება მშვიდობა და სიმშვიდე ჩვენს ქვეყანაში. წინა აქციაც და ხვალინდელი აქციაც „ნაცმოძრაობის“ ახალგაზრდული ბოლშევიკური ფრთის მიერ არის ორგანიზებული. ეს არის „სირცხვილია“, რაც ყველამ ვიცით. ეს აქცია მათ მიერ არის დაანონსებული“, - განაცხადა ირაკლი კობახიძემ.