ფინეთის ევროპულ საქმეთა მინისტრის ტიტი ტუპურაინენის თქმით, დიდი ალბათობით, ფინეთი ჩრდილოატლანტიკურ ალიანსს შეუერთდება. ამის შესახებ მინისტრმა ტელეარხ Sky News-ის ეთერში ისაუბრა.
მისი განცხადებით, ფინელი ხალხის "უზარმაზარი უმრავლესობა" მხარს უჭერს ქვეყნის ნატოში გაწევრიანებას.
მისივე თქმით, გადაწყვეტილება ჯერ მიღებული არ არის და ეს საკითხი პარლამენტში განიხილება, მაგრამ "დიდი ალბათობით" ფინეთი შეუერთდება ალიანსს.
ტუპურაინენმა თქვა, რომ რუსეთის უკრაინის წინააღმდეგ "სისასტიკეს" სჩადის და ამ ომმა გამოაღვიძა სამყარო.
"თითოეულ ქვეყანას აქვს უფლება, განახორციელოს საკუთარი უსაფრთხოების ზომები. რასაც რუსეთი ამბობს, ჩვენ, რა თქმა უნდა, გვესმის, მაგრამ ჩვენ ვიღებთ ჩვენს გადაწყვეტილებებს ჩვენი ინტერესებიდან და ჩვენი პირობებიდან გამომდინარე, ჩვენი საერთო სიტუაციის გათვალისწინებით", - აღნიშნა მინისტრმა.
რუსეთმა განაცხადა, რომ იძულებული იქნება უსაფრთხოების ზომები მიიღოს, თუ შვედეთი და ფინეთი ნატოში გაწევრიანდებიან.
