ავსტრალიამ უკრაინას Bushmaster-ის ტიპის 20 საბრძოლო ჯავშანმანქანა გაუგზავნა.
ადგილობრივი მედიის ინფორმაციით, პირველი 4 საბრძოლო მანქანა, საგანგებოდ უკრაინის დროშის ფერებში შეღებილი, პარასკევს კუინსლენდიდან უკრაინისკენ გაემართა.
31 მარტს, ავსტრალიის პარლამენტში ვიდეომიმართვისას, უკრაინის პრეზიდენტმა ვოლდიმი ზელენსკიმ კანბერას სამხედრო დახმარება სთხოვა. ავსტრალიის თავდაცვის მინისტრმა პიტერ დატონმა განაცხადა, რომ მისი ქვეყანა უკრაინის პრეზიდენტის თხოვნას უპასუხებს.
ჯავშანტრანსპორტიორს შეუძლია 10 სამხედრო მოსამსახურის გადაყვანა, სრულად ავტონომიურ რეჟიმში 3 დღის განმავლობაში.
Bushmaster-ს შეუძლია თავი დაიცვას ნაღმებისა და სხვა დაბალი და საშუალო სიმძლავრის ასაფეთქებელი მოწყობილობებისგან, ასევე არტილერიისა და მცირე იარაღიდან ნასროლი ჭურვის ფრაგმენტებისგან.
