შეერთებული შტატები აძლიერებს უკრაინის სამხედრო მხარდაჭერას და აგრესორთან გასამკლავებლად დამატებით შეიარაღებას აწვდის.
უკრაინული მედიის ინფორმაციით, აშშ უკრაინას 100 მილიონი დოლარის ღირებულების "ჯაველინის" ტანკსაწინააღმდეგო სისტემებს გადასცემს.
აშშ-ის სახელმწიფო მდივან ენტონი ბლინკენის განცხადებით, აგვისტოს შემდეგ, ეს არის აშშ-სგან აღჭურვილობასთან დაკავშირებული დახმარების მეექვსე პარტია, რომელიც უკრაინას გაეგზავნა.
სახელმწიფო დეპარტამენტის ინფორმაციით, რუსეთის თავდასხმის შემდეგ, აშშ-მა უკრაინას 1,7 მილიარდი დოლარის სამხედრო ტექნიკა მიაწოდა.
