უკრაინის განაცხადი ევროკავშირში გაწევრიანების შესახებ უახლოეს დღეებში განიხილება, - განაცხადა ევროპული საბჭოს პრეზიდენტმა შარლ მიშელმა.
"უკრაინის ევროკავშირში წევრობის განაცხადს უახლოეს დღეებში განვიხილავთ", - დაწერა "ტვიტერზე" შარლ მიშელმა.
"ევროკავშირი მტკიცედ დგას უკრაინის გვერდით რუსეთის აგრესიით გამოწვეული ჰუმანიტარული ტანჯვის შესამსუბუქებლად და ბირთვული უსაფრთხოების უზრუნველსაყოფად", - დასძინა მიშელმა. "ევროკავშირის სოლიდარობა, მეგობრობა და უპრეცედენტო დახმარება უკრაინისთვის ურყევია".
უკრაინის პრეზიდენტმა ვლადიმირ ზელენსკიმ 28 თებერვალს ხელი მოაწერა განცხადებას უკრაინის ევროკავშირში გაწევრიანების შესახებ.
